Тропарь, глас 4, Кондак глас 2 святым апостолам Петру и Павлу.
Тропарь, глас 4
Апостолов первопрестольницы и вселенныя учителие, Владыку всех молите, мир вселенней даровати и душам нашим велию милость.
Кондак, глас 2
Твердыя и боговещанныя проповедатели, верх апостолов Твоих, Господи, приял еси в наслаждение благих Твоих и покой: болезни бо онех и смерть приял еси паче всякаго всеплодия, Едине сведый сердечная.
Наверх
Величание Славных и Всехвальных Первоверховных Апостолов Петра и Павла.
Величаем вас, Апостоли Христовы,
весь мир ученьми своими просветившыя
и вся концы ко Христу приведшия.
Наверх
Кондак Святым Апостолам Петру и Павлу, глас 2.
Твердыя и боговещанныя проповедатели,
верх апостолов Твоих, Господи, приял
еси в наслаждение благих Твоих и покой:
болезни бо онех и смерть приял еси паче
всякаго всеплодия, Едине сведый сердечная.
Наверх
Полиелей. Псалом 134. Псалом 135.
Псалом 134
Хвалите имя Господне, / хвалите, раби Господа [Аллилуия, аллилуия, аллилуия]
Благословен Господь от Сиона, / живый во Иерусалиме. [Аллилуия, аллилуия, аллилуия.]
Псалом 135
Исповедайтеся Господеви, яко Благ, / яко в век милость Его.
[Аллилуия, аллилуия, аллилуия.]
Исповедайтеся Богу Небесному, / яко в век милость Его. [Аллилуия, аллилуия, аллилуия.]
Наверх
Стихиры на Господи воззвах На Господи воззвах, глас 2.
(Хор Московского Сретенского монастыря).
Киими похвальными венцы увязем Петра и Павла, разделенныя телесы, и совокупленныя Духом, богопроповедников первостоятели? Оваго убо, яко апостолов предначальника: оваго же, яко паче инех трудившася. Сих бо воистинну достойно безсмертныя славы венцы венчает Христос Бог наш, имеяй велию милость.
Киими песненными добротами воспоем Петра и Павла, богоразумия криле, прелетевшия концы, и к небеси вознесшияся? Руце евангелиа благодати. Нозе истиннаго проповедания, реки премудрости: крестныя роги, имиже демонов бровь Христос низложи, имеяй велию милость.
Киими духовными песньми похвалим Петра и Павла, безбожия заклавшия незатыкаемая уста, страшныя Духа мечи, Рима светлая удобрения, всея вселенныя питатели, Новаго Завета богописанныя скрижали мысленныя, яже в Сионе Христос возгласи, имеяй велию милость?
Наверх
|