Кондак на рождество Иоанна Крестителя, глас 3.
Прежде неплоды днесь Христова Предтечу раждает, и той есть исполнение
всякаго пророчества: Егоже бо пророцы проповедаша, на Сего во Иордане руку положив, явися Божия Слова пророк, проповедник, вкупе и Предтеча.
Наверх
Тропарь на рождество Иоанна Крестителя, глас 4.
Пророче и Предтече пришествия Христова, достойно восхвалити тя недоумеем мы, любовию чтущии тя: неплодство бо рождшия и отчее безгласие разрешися славным и честным твоим
рождеством, и воплощение Сына Божия мирови проповедуется.
Наверх
Величание на Рождество Иоанна Предтечи.
Величаем тя, Предтече Спасов Иоанне, и чтим еже от неплодове преславное рождество твое. Величаем тя, Крестителю Спасов Иоанне, и почитаем вси честныя твоея главы усекновение.
Наверх
Акафист святому славному пророку, Предтече и Крестителю Господню Иоанну (видео).
Наверх
Молитва ко Святому Великому Иоанну, Пророку, Предтечи и Крестителю Господню.
Крестителю Христов, проповедниче покаяния, кающагося не презри мене,
но, совокупляяся с вои Небесными, молися ко Владыце за мене,недостойнаго, унылаго, немощнаго и печальнаго, во многия беды впадшаго, утружденнаго бурными помыслы ума моего. Аз бо есмь вертеп злых дел, отнюд не имеяй конца греховному обычаю: пригвожден бо есть ум мой земным вещем. Что сотворю, не вем, и к кому прибегну, да спасена будет душа моя, токмо к тебе, святый Иоанне, благодати тезоимените,
яко тя пред Господем, по Богородице, вем больша быти рожденных всех: ты бо сподобился еси коснутися
верху Царя Христа, вземлющаго грехи мира, Агнца Божия. Егоже моли за грешную мою душу, да поне отныне, в первыйнадесять час, понесу тяготу благую и прииму мзду с последними. Ей, Крестителю Христов, честный Предтече, крайний пророче, первый во благодати мучениче, постников и пустынников наставниче, чистоты учителю и ближний друже Христов, тя молю, к тебе прибегаю, не отрини мене от твоего заступления, но возстави мя, падшагося многими грехи: обнови душу мою покаянием, яко вторым крещением, понеже обоего начальник еси: крещением омываяй грех, покаяние же проповедуяй во очищение когождо дел скверных: очисти убо мя, грехми оскверненнаго и понуди внити, аможе ничтоже скверно входит в Царствие Небесное.
Аминь.
Наверх
|