Тропарь Празднику Вход Господень в Иерусалим, глас 1-й.
Общее воскресение прежде Твоея
страсти уверяя из мертвых
воздвигл еси Лазаря, Христе Боже.
Тем же и мы, яко отроцы победы
знамения носяще, Тебе Победителю
смерти вопием: осанна в вышних,
благословен Грядый во имя Господне.
Ин тропарь Празднику Вход Господень в Иерусалим, глас 4-й.
Спогребшеся Тебе крещением,
Христе Боже наш, безсмертныя
жизни сподобихомся воскресением
Твоим, и воспевающе зовем:
осанна в вышних, благословен
Грядый во Имя Господне.
Кондак Празднику Вход Господень в Иерусалим, глас 6-й.
На престоле на небеси,
на жребяти на земли носимый,
Христе Боже, Ангелов хваление
и детей воспевание приял еси
зовущих Ти: благословен еси,
грядый Адама воззвати.
Ирмос Песни 9 Канона Празднику Вход Господень в Иерусалим.
Бог Господь, и явися нам,
составите праздник,
и веселящеся приидите,
возвеличим Христа, с ваиами
и ветвьми, песньми зовуще:
благословен Грядый во имя
Господа Спаса нашего.
