Кондак Введению во храм Пресвятой Богородицы, глас 4-й.
Пречистый Храм Спасов, многоценный чертог и Дева, священное сокровище славы Божия, днесь вводится в дом Господень, благодать совводящи,
яже в Дусе Божественном,
Юже воспевают Ангели Божии: Сия есть селение небесное.
Наверх
Тропарь Введению во храм Пресвятой Богородицы, глас 4-й.
Днесь благоволения Божия предображение и человеков спасения проповедание,
в храме Божии ясно Дева является, и Христа всем предвозвещает. Той и мы велегласно возопиим:
радуйся, смотрения Зиждителева исполнение.
Наверх
Величание Введению во храм Пресвятой Богородицы.
Величаем Тя, Пресвятая Дево, Богоизбранная Отроковице, и чтем еже в храм Господень вхождение Твое.
Наверх
Задостойник Введению во храм Пресвятой Богородицы, глас 4.
Ангели, вхождение Всечистыя зряще, удивишася: како со славою вниде во
святая святых? Яко одушевленному Божию кивоту, да никакоже коснется рука скверных, устне же верных
Богородице немолчно, глас Ангела воспевающе, с радостию да вопиют: истинно вышши всех еси, Дево Чистая.
Наверх
Ирмос.Песнь 9. Канон первый праздника Введения во Храм Пресвятой Богородицы, творение Георгиево. Глас 4.
Яко одушевленному Божию кивоту да никакоже коснется рука скверных,
устне же верных Богородице немолчно, глас Ангела воспевающе, с радостию да вопиют: истинно вышши всех еси, Дево Чистая.
Наверх
|
